Mühəndislik fakültəsinin əsası 1973-cü ildə Energetika-istehsal proseslərinin avtomatlaşdırılması-mexanika fakültəsinin yaranması ilə qoyulub. Sonralar fakültə Energetika, avtomatika və mexanika, Avtomatika-mexanika, Avtomatika adlandırılmışdır. 2000-ci ildə Azərbaycan Sənaye İnstitutunun bazasında Sumqayıt Dövlət Universiteti yarandıqdan sonra fakültə Kompüter texnikası və texnologiyaları, 2004-cü ildən isə Kompüter texnikası və informasiya texnologiyaları adlandırılmışdır. 2006-ci ildə Avtomatika və idarəetmə, İnformasiya texnologiyaları, Sənaye, Mexanika, Elektron texnikası, Logistika və nəqliyyat texnologiyaları, Mexatronika və robototexnika və energetikayönümlü mühəndis ixtisaslarının bazasında Mühəndislik fakültəsi yaradılmışdır.

Fakültədə 137 nəfərdən ibarət professor-müəllim və tədris-köməkçi heyəti, o cümlədən 8 nəfər professor, 32 nəfər dosent, 35 nəfər baş müəllim, 10 nəfər assistent, 6 nəfər tyutor, 6 laboratoriya müdiri, 36 laborant 4 nəfər kiçik elmi işçi çalışır.

Hazırda fakültədə elmlər doktoru proqramı üzrə 7 nəfər doktorant, 4 nəfər dissertant, fəlsəfə doktoru proqramı üzrə 2 nəfər doktorant və 1 dissertant dissertasiya üzərində işləyir.

Fakültədə tədris əyani və qiyabi formada aparılır. 1521 nəfər tələbə: onlardan 1464 nəfər tələbə bakalavriat (912 nəfər tələbə əyani şöbədə və 552 nəfər tələbə qiyabi şöbədə) və 57 nəfər magistrant magistratura pilləsində təhsil alır.

İnformasiya texnologiyaları  

Avtomatika və Mexanika

Energetika

Kimya mühəndisliyi

Bakalavriat səviyyəsi üzrə

Magistratura səviyyəsi üzrə

1. Kompüter mühəndisliyi

2. İnformasiya texnologiyaları

3. Proseslərin avtomatlaşdırılması mühəndisliyi

4. Mexatronika və robototexnika mühəndisliyi

5. Energetika mühəndisliyi

6. Elektrik və elektronika mühəndisliyi

7. Mexanika mühəndisliyi

8. Logistika və nəqliyyat texnologiyaları mühəndisliyi

9. Neft - qaz mühəndisliyi

10. Kimya mühəndisliyi

11. Ekologiya

12. Ekologiya mühəndisliyi

13. İnformasiya təhlükəsizliyi

14. Sənaye mühəndisliyi

1. Elektroenergetika mühəndisliyi (Elektroenergetika, Elektrik şəbəkə və sistemləri)

2. Elektrik mühəndisliyi (Elektrik təchizatı, Sənaye qurğularının və texnoloji komplekslərinin avtomatikası və elektrik intiqalı, Yüksək gərginliklər texnikası və fizikası, Elektrik təchizatının optimallaşdırılması və modelləşdirilməsi)

3. Proseslərin avtomatlaşdırılması mühəndisliyi (Texnoloji proseslərin və istehsalatın avtomatlaşdırılması)

4. İnformasiya texnologiyaları v ə sistemləri mühəndisliyi (Kibertəhlükəsizlik, İdarəetmədə informasiya sistemləri)

5. Kompüter mühəndisliyi (Kompüter mühəndisliyi)

6. Ekologiya mühəndisliyi (Ətraf mühitin mühafizəsi və təbii ehtiyatlardan səmərəli istifadə olunması)

7. Kimya mühəndisliyi (Əsas üzvi sintezin kimyası v ə texnologiyası, Polimerlərin kimyəvi texnologiyası)

3338.01 - Sistemli analiz, idarəetmə və informasiya sistemləri

3337.01- İnformasiya-ölçmə və idarəetmə sistemləri

İnformasiya sistemlərinin və elementlərinin tədqiqi və işlənməsi

Avtomatlaşdırılmış layihələndirmə, konstruksiyaetmə, modelləşdirmə və idarəetmə alətlərinin nəzəri və praktiki məsələlərinin işlənməsi

İstehsal proseslərinin avtomatlaşdırılmış idarəetmə sistemlərinin yaradılması

İkifazalı mühit mexanikasının nəzəri əsasları və konstruksiya elementlərinin hesablanması

Alkilaromatik aminlərin və alkilfenolların, oktan ədədini qaldıran efirlərin səmərəli alınma üsullarının tədqiqi və işlənib hazırlanması.

Neft əsasında alınan sənaye əhəmiyyətli aromatik aminlər və fenolların kimyası və texnologiyası

Təbii fosfatların intensivləşdirici komponentlərin iştirakı ilə mineral turşularda parçalanması və tozşəkilli fosforlu gübrələrin dənəvərləşdirilməsi prosesinin tədqiqi

Sumqayıt sənaye zonasının boz-qonur torpaqıarının ekoloji qiymətləndirilməsi

Elektrik təchizatı sistemlərinin yük düyünlərinin, qurğu və elementlərinin etibarlı və səmərəli iş rejimlərini təmin edən üsul və vasitələrin işlənməsi

Elektromexaniki sistemlərin və onların elementlərinin idarə edilməsi

Kompüter texnologiyaları və proqramlaşdırma

İnformasiya texnologiyaları və sistemləri

Elektron çeviriciləri və ölçmələr

Avtomatlaşdırma və informasiya texnikası

Texnoloji ölçmələr və texniki vəsaitlər

Avtomatik tənzimləmə, rəqəmli idarəetmə sistemləri

Mexanika, standartlaşdırma və ölçmə texnikası

Elektrik ölçmə texnikası

Enerji maşınqayırması

lstilik texnikası

Elektrik intiqalı 

Güc elektronikası

Elektroenergetikanın tədris muzeyi

Kimya və neft qaz mühəndisliyi

Yüksək molekullu birləşmələrin texnologiyası

Ekologiya

Təbii ehtiyatlardan səmərəli istifadə

Müəssisələrdə əməkdaşlığın inkişafı istiqamətində universitetlərarası innovasiya şəbəkəsinin yaradılması, videokonfrans zalı.

2010-cu ildə Sumqayıt Dövlət Universiteti “Müəssisələrlə əməkdaşlığın inkişafı istiqamətində Universitetlərarası innovasiya şəbəkəsinin yaradılması” adlı TEMPUS layihəsinin qalibi olmuşdur.

Fakültənin əməkdaşları ERASMUS+, PETRA beynəlxalq layihələri çərçivəsində Almaniyanın Berlin Texniki Universitetində, Hollandiyanın Twente Universitetində, Türkiyənin Gazi Universitetində, İspaniyada ixtisasartırmada iştirak etmişlər.

Layihə çərçivəsində universitetlərarası innovasiya şəbəkəsi yaradılmış, videokonfrans zalı istifadəyə verilmişdir. Müasir tələblərə cavab verən avadanlıqlarla təchiz olunmuş zal yüksək sürətli fıber optik İnternet şəbəkəsinə qoşulmuşdur. Videokonfrans zalında müxtəlif univetsitetlərlə: Rusiyanın Qubkin adına Rusiya Dövlət Neft və Qaz Universiteti, Ufa Dövlət Aviasiya Universiteti, Tümen Dövlət Neft və Qaz Universiteti, Ufa Dövlət Neft Texnologiya Universiteti, Uxta Dövlət Texniki Universiteti, Ukraynanın Poltava Texniki Universiteti, İvanovo-Frankovsk Milli Texniki Universiteti, Belarus Milli Texniki Universiteti, Polotsk Dövlət Universiteti, Polşanın Krakov Universiteti, İsveçin Kral Texnologiya Universiteti və Azərbaycan Dövlət Neft və Sənaye Universiteti innovasiya texnologiyalarının transferinə dair videokonfransların, distant mühazirələrin və s. aparılmasında istifadə edilir. Videokonfrans zalından distant kursların təşkil edilməsi, məsləhətlərin verilməsi, birgə onlayn rejimdə elmi konfransların və seminarların aparılması və s. istiqamətlərdə də istifadə edilir.

Fakültədə Sistemli analiz, idarəetmə və informasiya sistemləri, İnformasiya-ölçmə və idarəetmə sistemləri ixtisasları üzrə fəlsəfə doktoru və elmlər doktoru alimlik dərəcələri almaq üçün dissertasiya müdafiə şuraları, həmçıinin Tələbə Elmi Cəmiyyəti, Tələbə Şurası, Tələbə Gənclər Təşkilatı, Tələbə Azad Həmkarlar Təşkilatı fəaliyyət göstərir.