Əsas səhifə | Xəbərlər | Uğurlu karyera SABAH-la başlayır
Uğurlu karyera SABAH-la başlayır

Mayın 27-də Sumqayıt Dövlət Universitetində Təhsil Nazirliyinin nümayəndələri SABAH qrupları ilə bağlı təqdimat kecirtdi.
SDU-nun rektoru Elxan Hüseynov Təhsil nazirliyinin tələbələrə dəstək və mübadilə proqramları sektorunun müdiri Sülhəddin Gözəlovu və nazirliyin elm və ali təhsil şöbəsinin baş məsləhətçisi Nərgiz Qaraxalovanı salamlayaraq, onları universitetimizdə görməyindən məmnunluğunu ifadə etdi.
Rektor E.Hüseynov qeyd etdi ki, Təhsil Nazirliyi son bir ildə çoxsaylı layihələrə imza atmışdır. Onların içərisində ali təhsil müəssisələri üçün böyük maraq doğuran və məzmunlu təhsilin keyfiyyətinin artırılması işində mühüm rol oynaya biləcək layihələrdən biri "SABAH" qruplarıdır.
Belə layihəni həyata kecirdikləri ücün Sumqayıt Dövlət Universitetinin kollektivi adından təşəkkür etdi.
Rektor Sumqayıt Dövlət Universitetinin tarixinə qısa nəzər salaraq bildirdi ki, rəhbərlik etdiyi təhsil ocağı Azərbaycan Respublikasının 13 iyun 2000-ci il tarixli 349 saylı fərmanı ilə 1961-ci ildən fəaliyyət göstərir. Azərbaycan Sənaye İnstitutunun bazasında yaradılmışdır. Universitetimizdə hal-hazırda 7 fakültə fəaliyyət göstəriməklə yanaşı, Əcnəbi Tələbələrin Hazırlıq Mərkəzi və Beynəlxalq Əlaqələr şöbəsi fəaliyyət göstərir. Yaxın zamanda əlavə fakültələrin açılması da nəzərdə tutulur, bu baxımdanda mən inanıram ki, SABAH qrupları SDU-da təhsil alan tələbələrin inkişafında öz müsbət təsirini göstərəcək. Təbii ki, sürətlə qloballaşan dünyada müasir baxışlar, yüksək təhsil, bir neçə dil biliyi tələbənin gələləcəkdə iş tapmaq, uğurlu karyera qurmaq şansını artıracaqdır. Bunu nəzərə alaraq SABAH qruplarında tələbələrin istəklərinə uyğun çevik tədris proqramı tətbiq olunmasıdır.
Rektor bir daha vurğuladı ki, həmin qruplarda keyfiyyətli tədris bacarığı ilə seçilən müəllimlər dərs keçəcəklər. SABAH qruplarının məzunları öz ixtisası ilə yanaşı ingilis dilini də mükəmməl öyrənmək imkanı əldə edəcək. Əminliklə deyə bilərəm ki, "biz iqtisadi potensialımızı intellekt kapitalına cevirməklə" "Azərbaycan Respublikasının Təhsilin İnkişafı üzrə Dövlət Strategiyası"nı müəyyənləşdirməklə, yüksək ixtisaslı kadrların yetişdirilməsi üçün bütün imkanları səfərbər edən ölkə başcısı cənab İlham Əliyevin cağırışına ən gözəl töhfə verəcəkdir.
Tədbirdə cıxış edən Təhsil nazirliyinin tələbələrə dəstək və mübadilə proqramları sektorunun müdiri Sülhəddin Gözəlov "SABAH" qruplarının yaradılmasının əhəmiyyətindən bəhs edərək qeyd etdi ki, qrupun fərqlənən tələbələri xarici ölkələrə təcrübəyə göndəriləcək. SABAH qruplarında təhsil almaq istəyən tələbələrin qeydiyyatı iyunun 12-dək davam edəcək. Onu da qeyd edək ki, müsabiqədə iştirak etmək istəyən tələbələr www.sabah.edu.az internet saytı vasitəsilə elektron ərizə vermək imkanına malikdirlər.
Nazirliyin rəsmisi onu da əlavə etdi ki, SABAH qrupları 34 ali təhsil müəssisəsindən 8-nin bazasında yaradılacaq və 54 ixtisas olmaqla 8 ixtisas qrupunu, ümumilikdə 20 mindən yuxarı tələbəni əhatə edəcəkdir.
Birinci semestrdə 61 baldan yuxarı göstəricisi olan tələbələrin iştirak edəcəyi qəbul prosesi 3 mərhələdən ibarət olacaq, birinci mərhələdə qeydiyyatdan keçən tələbə daha sonra- ikinci mərhələdə 25 məntiq və 25 xarici dil olmaqla 50 sualı cavablandıracaq. Üçüncü mərhələdə isə tələbələr üçün şifahi müsahibə təşkil olunacaq. SABAH qruplarında təhsil almaq üçün dövlət ali təhsil müəssisələrinin tələbələri ilə yanaşı özəl ali məktəblərin tələbələri də müraciət edə bilər.
SDU-da təşkil olunan təqdimat mərasimində o da məlum oldu ki, SABAH qruplarına daxil olan tələbələr həm yüksək səviyyəli təhsil almaq şansı qazanacaqlar, həm də təhsil müddətində əlavə təqaüd, yataqxanada pulsuz yerləşdirilmə, qidalanma, bir sıra maddi imtiyazlara malik olacaqlar.
SABAH qrupları ali təhsil müəssisəsində yerləşən "SABAH Mərkəzi" vasitəsilə idarə olunacaq. Mərkəzin işinə isə birbaşa Təhsil nazirliyi nəzarət edəcək.
S.Gözəlov tələbələrə aktiv olmağa və Azərbaycanın parlaq sabahını bugündən düşünməyə səslədi.
Sonda layihə ilə bağlı müəllim və tələbələrin çoxsaylı sualları cavablandırıldı.

Mətbuat xidməti

ÜNVAN
ƏLAQƏ VASİTƏLƏRİ
SUMQAYIT DÖVLƏT UNİVERSİTETİ
Sumqayıt, Azərbaycan
43cü məhəllə
AZ5008
Telefon: +994-18 642-16-20
Faks: +994-18 642-02-70
E-Mail: info@sdu.edu.az