Asudə vaxt bloqu
Sumqayıt Dövlət Universiteti əcnəbi tələbələrin mədəni həyatını zənginləşdirmək, asudə vaxtının səmərəli təşkili və mədəniyyətlərarası ünsiyyəti tənzimləmək məqsədilə Azərbaycanın milli bayram və şənliklərində aktiv iştirakını təmin edir.
Şanlı zəfər tariximizi digər ölkə vətəndaşlarına tanıtdırmaq məqsədilə əcnəbi tələbələrimiz Hərbi Qənimətlər Parkını ziyarət etdilər.
Qloballaşan və texnoloji cəhətdən astronomik surətdə inkişaf edən müasir dünyamızın ən prioritet istiqamətlərindən biri olan ekoloji təmizliyin təşviqi məqsədilə əcnəbi tələbələrimiz Xocəsən qəsəbəsində "Yaşıl Marafon" layihəsi çərçivəsində ağacəkmə aksiyasında iştirak etmişlər.
Universitetimiz tərəfindən əcnəbi tələbələrimiz üçün mütəmadi olaraq görüşlər və bilik yarışları təşkil olunur.
Onlar həmçinin kafedraların elmi-tədqiqat işində, tələbələrin elmi, ictimai və mədəni tədbirlərində, tələbə özünüidarə orqanlarının işində də yaxından iştirak edirlər.
SDU-da təhsil alan əcnəbi tələbələr universitetimizin kitabxanasından, oxu zalından, laboratoriya və təcrübə bazasından, idman zalından, yeməkxanadan istifadə edirlər və universitetimizin tibb məntəqəsindən pulsuz istifadə etmək hüququna malikdirlər.
Mətbuat xidməti
