Hüquq xidməti
Sumqayıt Dövlət Universitetinin maraqlarının təmin edilməsi, universitetin professor-müəllim, tələbə və tədris-köməkçi heyətinin hüquqlarının qorunması, bir sıra rəsmi layihələrinin (Əmr, Əsasnamə, Təlimat və s.) hazırlanmasının hüquqi cəhətdən əsaslandırılması, hüquqi biliklərin tətbiqi Baş hüquqşünas tərəfindən həyata keçirilir.
Sumqayıt Dövlət Universitetinin Baş hüquqşünası vəzifəsində dosent Əminə Ağamoğlan qızı Həsənova çalışır. Həsənova Əminə Ağamoğlan qızı S.M.Kirov adına Azərbaycan Dövlət Universitetinin (indiki Bakı Dövlət Universiteti) Hüquq fakültəsini hüqüqşünas ixtisası üzrə bitirib. Dissertasiya müdafiə edərək fəlsəfə doktoru elmi dərəcəsi alıb. Fəlsəfə, sosiologiya və politologiya kafedrasının dosenti Həsənova Əminə Ağamoğlan qızı “Azərbaycan Respublikasının Konstitusiyası və hüququn əsasları”, Biznes hüququ”, Beynəlxalq ticarət hüququ”,”Beynəlxalq hüquq” fənlərindən universitet tələbələrinə mühazirə dərsləri aparır. SDU-nun struktur bölmələrinə və işçilərinə hüquqi məsələlər üzrə məsləhətlər verir. Fəaliyyət dairəsinə aid edilmiş məsələlərlə bağlı, səlahiyyətləri daxilində universiteti dövlət orqanları, yerli özünüidarəetmə orqanları, hüquqi və fiziki şəxslər qarşısında təmsil edir, hüquq və qanuni mənafelərini müdafiə edir. Universitetdə yaradılmış komissiyalarda, işçi qruplarda, fəaliyyətinə aid məsələlər üzrə keçirilən müxtəlif səviyyəli tədbirlərdə universiteti təmsil edir, onların işində iştirak edir.
