Sumqayıt Dövlət Universiteti üzrə “Ən yaxşı dərslik və dərs vəsaiti” müsabiqəsinin keçirilməsi haqqında ELAN
Müsabiqəyə son 5 il ərzində Azərbaycan Respublikası Təhsil Nazirliyi və ya Sumqayıt Dövlət Universitetinin Elmi Şurası tərəfindən nəşrinə icazə (qrif) verilmiş vəsaitlər qəbul olunur.
20 sentyabr 2021-ci il tarixinə qədər: Vəsaitlər kafedra iclasının protokolundan çıxarışla fakültə metodik şurasına təqdim edilir;
01 oktyabr 2021-ci il tarixinə qədər: Fakültə metodik şurası seçdiyi ən yaxşı vəsaiti fakültə elmi şurasının qərarı ilə (protokoldan çıxarış və tələb olunan sənədlərlə birlikdə) Müsabiqə komissiyasına (komissiyanın məsul katibinə) təqdim edir;
15 oktyabr 2021-ci il tarixinə qədər: Müsabiqə komissiyası vəsaitlərin təqdimatını dinləyir, qərarı barədə SDU-nun Elmi şurası qarşısında vəsatət qaldırır.
Təqdim olunan sənədlər və baxılma qaydaları haqqında daha ətraflı: https://www.sdu.edu.az/userfiles/esasname.pdf
Sənədlərin qəbulu: SDU-nun əsas korpusu, otaq 209, daxili telefon 113
Müsabiqənin məsul katibi: dosent Qadir Mənsurov (mob.tel. (+994)505730618, e-mail: dr.ing.mansurov@mail.ru)
Müsabiqə komissiyası
