Kimya və onun tədrisi metodikası kafedrası 1972-ci ildən Qeyri-üzvi və fiziki kimya adı ilə ümumtəhsil kafedrası kimi fəaliyyət göstərir. Kafedranın təşkilində və formalaşmasında kimya elmləri namizədi professor İsmayıl Sadıqovun böyük xidməti olmuşdur. O, 1972-1974-cü illərdə kafedranın ilk müdiri olmuşdur. 1974-1986-cı illərdə kafedraya dosent Rəsul Cəlilov rəhbərlik etmişdir. 1985-ci ildə kafedranın bazası əsasında yeni, ixtisas yönümlü Elektrokimyəvi istehsalın texnologiyası kafedrası (kafedra müdiri dosent Şəmsəddin Novruzov) yaradılmışdır. Fiziki kimya fənni yeni yaranan kafedra tərəfindən tədris edildiyindən kafedra 1985-ci ildən Ümumi kimya, 1996-cı ildən isə Kimya kafedrası adlandırılmışdır. 1986-cı ildən 2004-cü ilə kimi kafedraya görkəmli kimyaçı, kimya elmləri doktoru, professor Ramiz Sultanov rəhbərlik etmişdir.

Universitetdə pedaqoji yönümlü yeni ixtisasların açılması ilə əlaqədar olaraq, Kimya kafedrasının bazası əsasında 2001-ci ildə Ümumi və qeyri-üzvi kimya (kafedra müdiri dosent Rəşid Qəhrəmanov  2001-2015, professor Muxtar Səmədov 2015-2017-ci illər), 2004-cü ildə Analitik kimya (kafedra müdiri dosent Hümbət Eminov), 2005-ci ildə isə Kimyanın tədrisi metodikası (kafedra müdiri dosent Ağaisa Əskərov) kafedraları yaradılmış və Universitet Elmi Şurasının qərarı ilə Kimya kafedrası 2004-cü ildə Üzvi və fiziki kimya kafedrası (kafedra müdiri dosent Musa Mustafayev 2004-2017-ci illər) adlandırılmışdır.

2016/17-ci tədris ilində Kimyanın tədrisi metodikası kafedrası Ümumi və qeyri-üzvi kimya kafedrasına birləşdirilmişdir. Sumqayıt Dövlət Universitetinin Elmi Şurasının 29 mart 2017-ci il tarixli iclasının (protokol 06) qərarı ilə Ümumi və qeyri-üzvi kimya və Üzvi və fiziki kimya kafedraları birləşdirilmiş və kafedra Kimya və onun tədrisi metodikası adlandırılmışdır. Kafedra müdiri dosent Musa Mustafayevdir.

Kafedrada 1 nəfər texnika elmləri doktoru, professor, 7 nəfər kimya elmləri namizədi, dosent, 1 nəfər kimya üzrə fəlsəfə doktoru, dosent, 2 nəfər baş müəllim, 4 nəfər assistent və 1 nəfər 0.5 ştat assistent fəaliyyət göstərir.

1. Mustafayev Musa Musa oğlu – kafedra müdiri, 0.5 ştat dosent

2. Pirquliyeva Mətanət Səfər qızı - 0.5 ştat dosent

3. Səmədov Muxtar Məmməd oğlu - 0.5 ştat professor

4. Orucov Kamal Canəhməd oğlu – dosent

5. Əskərov Ağaisa Bayraməli oğlu – dosent

6. Əliyeva Aida Qəzənfər qızı – dosent

7. Əhmədov Vəliyəddin Nüsrət oğlu – dosent

8. Quliyeva Gülzar Nizam qızı – dosent

9. Məmmədova Aynur Alim qızı – dosent

10. Seyidova Əntiqə Nəsib qızı – baş müəllim

11. Cavadova Sadəgül Həsən qızı – baş müəllim

12. Adıgözəlova Xanım Əlibala qızı – assistent

13. Abdullayeva Hüsniyyə Bəhram qızı – assistent

14. Məhərrəmova Aida Saleh qızı – assistent

15. Əhmədova Firuzə Famil – assistent

16. Abiyeva Arzu Yunis qızı – 0.5 ştat assistent

17. Mahmudova Rəhilə Əmirsultan qızı – laboratoriya müdiri

18. Əliyeva Səadət Gəray qızı – böyük laborant

19. Sadıqova Dilarə Ağayar qızı - böyük laborant

20. Xudiyeva Sevinc Sabir qızı - böyük laborant

21. Mürşüdlü Nərmin Afiq qızı – böyük laborant

22. Gülmalıyeva Afət Əhməd qızı – laborant

23. Həsənova Simnarə Sədrəddin qızı – preparator

24. Quliyeva Cəmilə Qabil qızı – preparator

Kafedrada elmlər doktoru proqramı üzrə 2 dissertant və 15 magistrant elmi-tədqiqatlarla məşğul olur.

1. Kimya

2. Ümumi kimya

3. Qeyri-üzvi kimya

4. Üzvi kimya

5. Üzvi kimya və ekologi təhlükəsizlik

6. Elementüzvi birləşmələr kimyası

7. Həyat fəaliyyətinin kimyəvi əsasları

8. Heterotsiklik birləşmələr kimyası

9. Fiziki kimya

10. Fiziki-kolloid kimya

11. Kolloid kimya

12. Fiziki və analitik kimya

13. Kimyəvi termodinamikanın əsasları

14. Səth prosesləri

15. Fiziki-tədqiqat metodları

16. Kristallokimya

17. Yarımkeçiricilər kimyası

18. Bərk cisimlər kimyası

19. Fiziki-kimyəvi analizin əsasları

20. Ümumi kimyanın tədrisi metodikası

21. Qeyri-üzvi kimyanın tədrisi metodikası

22. Qeyri-üzvi və üzvi kimyanın tədrisi metodikası

23. Kimyanın tədrisi metodikası

24. Kimyanın didaktikası

25. Tədrisdə kurikulumun əsasları

26. Ətraf aləmin kimyası

27. Ümumi təhsil kurikulumu

28. Ümumi təhsil kurikulumunun əsasları

29. Orta məktəbdə kimyəvi analiz metodları

1. Kimyanın müasir problemləri

2. Qeyri-üzvi kimyanın nəzəri əsasları

3. Qeyri-üzvi materialşünaslıq

4. Bərk cisimlər kimyası

5. Qeyri-üzvi sintezin əsasları

6. Mineral turşu və dusların sintezinin əsasları

7. Təbii qeyri-üzvi birləşmələr kimyası

8. Kimyanın tarixi və metodologiyası

9. Qeyri-üzvi maddələrin tədqiqat üsulları

10. Fiziki-kimyəvi analiz

11. İkikomponentli sistemlər

12. Kristallokimyanın nəzəri əsasları

13. Tədqiqat üsulları

14. Üzvi kimyanın nəzəri əsasları

15. Stereokimya

16. Hetоrоtsiklik birləşmələr

17. Metalüzvi birləşmələr kimyası

18. Zərif-üzvi sintez

19. Elementüzvi birləşmələr

20. Dərman maddələrinin sintezi

21. Kоnformasiya analizi

22. Bоyaq maddələrinin kimyası

23. Bioüzvi, təbii və fizioloji fəal birləşmələr kimyası

24. Tətbiqi elektrokimya

25. Termokimya və kalorimetriya

26. Məhlulların termodinamikası

27. Faza tarazlığının termodinamikası

28. Elektrolit məhlullar nəzəriyyəsi

29. Kimyəvi kinetika

30. Kataliz

31. Səth hadisələri

32. Kimyəvi tarazlıq

33. Kimyanın tədrisi metodikasının müasir problemləri

34. Kimya kabinəsi və laboratoriyanın təşkili

35. Kimya tədrisində təbiət elmləri arasında əlaqənin rolu

36. Kimyanın öyrənilməsində sinifdənkənar və müstəqil iş

37. Kimya təhsilinin müasir vəziyyəti və inkişaf perspektivləri

38. Kimyanın öyrədilməsində iqtisadi və ekoloji təhsil və tərbiyə

39. Təfəkkürün inkişafında kimya dilinin rolu

40. Kimyanın tədrisi metodikasının tarixi və metodologiyası

41. Kimyanın ali məktəbdə tədrisi metodikası

42. Kimyadan çətinləşdirilmiş məsələlərin həlli

43. Kimyada pedaqoji təcrübənin təşkili və keçirilməsi

44. Kimya və təcrübə işinin metodikası

- 2306.01-Üzvi kimya. Mövzu: Karbo- və heterofunksional silisiumüzvi monomerlərin sintezi və xassələri.

- 3303.01-Kimya texnologiyası və mühəndisliyi. Mövzu: Təbii fosfatların intensivləşdirici komponentlərin iştirakı ilə mineral turşularda parçalanması reaksiyasının nəzəri əsasları.

Kafedranın əsas elmi nəticələri:

Kafedra üzrə son 5 ildə 10 kitab, 230-dən çox elmi məqalə və məruzə tezisləri, o cümlədən 17 elmi məqalə xarici ölkələrin nüfuzlu jurnallarında çap olunmuş, 8 patent alınmışdır.

Kafedra üzrə son 5 ildə 84 fənn proqramı, o cümlədən, 14 fənn proqramı Təhsil Nazirliyinin qrifi ilə, 20 fənn proqramı Universitet Elmi Şurasının qrifi ilə, 128 sillabus, 2 dərslik, 8 dərs vəsaiti, 1 monoqrafiya və 2 metodik vəsait nəşr olunmuş, 6 Avrasiya, 2 Respublika patenti alınmışdır.

Kimya və onun tədrisi metodikası kafedrasının əməkdaşlarının Baki Dövlət Universiteti, Azərbaycan Dövlət Pedaqoji Universiteti, Azərbaycan Dövlət Neft və Sənaye Universiteti, Gəncə Dövlət Universiteti, Lənkəran Dövlət Universiteti, Polimer Materialları, Aşqarlar Kimyası, Neft Kimya Prosesləri, Kataliz və Qeyri-üzvi kimya İnstitutları, Tbilisi Dövlət Universiteti, Rusiya EA-nın Zelinski adına Moskva Üzvi Kimya İnstitutu, Riqa Üzvi Sintez İnstitutu, Ufa Dövlət Neft Texniki Universiteti, Pskov Dövlət Universiteti, Rusiya Kimya-texnologiya Universiteti, Rusiya EA-nın Sibir bölməsinin İrkutsk Kimya İnstitutu ilə elmi əlaqələri vardır.

Kafedra əməkdaşlarından 2 nəfəri “Əməkdar müəllim fəxri” adı ilə, 2 nəfəri “Tərəqqi” medalı ilə, 2 nəfəri isə Azərbaycan Respublikasının “Qabaqcıl təhsil işçisi” döş nişanı ilə təltif olunmuşdur.

Dissertasiya şuraları. Azərbaycan Respublikasının Prezidenti yanında Ali Attestasiya Komissiyası Rəyasət Heyətinin 15 dekabr 2017-ci il tarixli 388 nömrəli qərarına əsasən Sumqayıt Dövlət Universitetinin nəzdində fəlsəfə doktoru elmi dərəcəsi almaq üçün təqdim olunan dissertasiyaların müdafiəsini keçirmək üçün FD.02.193 Dissertasiya şurası yaradılmış, Kimya və onun tədrisi metodikası kafedrasının müdiri dos. Musa Mustafayev Dissertasiya şurasının elmi katibi təyin edilmişdir. Dissertasiya şurasının iclaslarında 2018-ci ildə 6 nəfərin dissertasiyasının müdafiəsi keçirilmişdir. Onların hamısına AAK-ın qərarı ilə fəlsəfə doktoru elmi dərəcəsi verilmişdir. Azərbaycan Respublikasının Prezidenti yanında Ali Attestasiya Komissiyası Rəyasət Heyətinin 28 dekabr 2019-cu il tarixli F-156 nömrəli qərarına əsasən Sumqayıt Dövlət Universitetinin nəzdində fəlsəfə doktoru elmi dərəcəsi almaq üçün təqdim olunan dissertasiyaların müdafiəsini keçirmək üçün FD 2.23 Dissertasiya şurası yaradılmış, Kimya və onun tədrisi metodikası kafedrasının müdiri dos. Musa Mustafayev həmin Dissertasiya şurasının da elmi katibi təyin edilmişdir. Dissertasiya şurasının iclaslarında 2 nəfərin müdafiəsi keçirilmiş, 28.10.2022-ci ildə üçüncü dissertasiya işinin müdafiəsi keçiriləcəkdir.