İyunun 16-dan 22-dək universitetimizin nümayəndə heyəti olaraq Proseslərin avtomatlaşdırılması kafedrasının müdiri professor Cavanşir Məmmədov, Metrologiya və standartlaşdırılma kafedrasının müdiri dosent Qurban Abdullayev və Maliyyə və mühasibat uçotu kafedrasının müdiri dosent Loğman Abdullayev Sankt-Peterburq Dövlət İqtisad Universitetində 24.05.2019-cu il tarixli ПК-190058/1 saylı bağlanmış müqaviləyə əsasən “Elmi tədqiqatın nəticələrinin kommersiyalaşdırılması” mövzusunda ixtisasartırma kursunda oldular və professor-müəllim heyəti qarşısında icmal mühazirə ilə çıxış etdilər. Nümayəndə heyətimiz Sankt-Peterburq Dövlət İqtisad Universitetinin rektoru professor İ.A. Maksimtsev tərəfindən fəal iştraklarına görə vəsiqə və sertifikatlarla təltif olundular. Eyni zamanda SDU- nun hər üç kafedrası müvafiq olaraq Sankt-Peterburq Dövlət İqtisad Universitetinin Mühasibat uçotu və audit kafedrası, Layihə menecmenti və keyfiyyətin idarə edilməsi kafedrası, Texnologiya və informasiya sistemləri kafedrası ilə əməkdaşlıq haqqında razılaşma imzaladılar.