SDU-nun Tələbə Gənclər Təşkilatının sədri “İlin Tələbə Gənclər Təşkilatı sədri” adına layiq görüldü
Fevralın 11-də Azərbaycan Tələbə Gənclər Təşkilatları İttifaqının (ATGTİ) ofisində “İlin Tələbə Gənclər Təşkilatı” mükafatının təqdimetmə mərasimi keçirildi. TGT sədrləri fəxri ad və Fəxri Fərmanlarla təltif olundular.
SDU-nun Tələbə Gənclər Təşkilatının sədri Tayfun Hacılı “İlin Tələbə Gənclər Təşkilatı sədri” adına layiq görüldü. İttifaq sədri Pərviz Mirələmli SDU-nun Tələbə Gənclər Təşkilatının sədri Tayfun Hacılıya mükafatı təqdim etdi.
Qeyd edək ki, Azərbaycan Tələbə Gənclər Təşkilatları İttifaqının (ATGTİ) təşkilatçılığı və Azərbaycan Gənclər Fondunun maliyyə dəstəyi ilə 2 fevral – Azərbaycan Gəncləri Gününə həsr olunan “Dəmir Yumruq, Dəmir Gənclik” adlı onlayn tədbirdə elan edilib. Həmçinin SDU-nun Tələbə Gənclər Təşkilatının 28 gənci Vətən Müharibəsi, Tovuz hadisələri, pandemiyaya qarşı mübarizədə iştirakı və ümumi fəaliyyətləri üzrə ATGTİ tərəfindən mükafatlandırılmışdılar.
Mətbuat xidməti