SDU tələbələri “Yaşıl dünya naminə həmrəylik ili” çərçivəsində “Təmiz Şəhər” Açıq Səhmdar Cəmiyyətinə ekskursiya ediblər
Sumqayıt Dövlət Universitetinin Mühəndislik fakültəsinin Ekologiya və Ekologiya mühəndisliyi ixtisası üzrə 3-cü kurs tələbələri “Yaşıl dünya naminə həmrəylik ili” çərçivəsində Ekologiya kafedrasının müəllim heyətinin rəhbərliyi ilə “Təmiz Şəhər” Açıq Səhmdar Cəmiyyətinə ekskursiya ediblər.
Məlum oluduğu kimi, “Təmiz şəhər” Açıq Səhmdar Cəmiyyəti Azərbaycan Respublikasının Prezidenti İlham Əliyevin “Bakı şəhərində məişət tullantıları ilə bağlı idarəetmənin təkmilləşdirilməsi haqqında “2008-ci il 6 avqust tarixli Sərəncamı ilə təsis edilmişdir. 12 mart 2009-cu ildə dövlət qeydiyyatına alınan “Təmiz Şəhər” Açıq Səhmdar Cəmiyyəti Bakı şəhərində tullantıların yerləşdirilməsi və zərərsizləşdirilməsi sistemini ən müasir texnologiyalara əsasən quraraq ekoloji vəziyyətin stabilləşdirilməsi istiqamətində fəaliyyətə başlamışdır.
Ekskursiya ərzində tələbələr Balaxanı bərk məişət tullantılarının çeşidlənməsi zavodu, Balaxanı Sənaye Parkı və Bakı bərk məişət tullantılarının yandırılması zavodları ilə tanış oldular. Onlara zavodlarda gedən proseslər, iş prinsipləri, sxemlər aydın şəkildə izah olunub.
Mətbuat xidməti
