Ötən illə müqayisədə Sumqayıt Dövlət Universitetinə tələbə qəbulunun nəticələri kəskin artıb.
Belə ki, 2025/2026-cı tədris ili üzrə SDU-nun bakalavriat səviyyəsində plan yeri 94.1 % dolub. Bu rəqəm ötən il 81.3 % təşkil edib.
2024/2025-ci tədris ili üzrə universitetə ayrılan 1690 plan yerinə 1374 nəfər qəbul olmuşdusa bu il bu rəqəm 1875 nəfər plan yeri üzrə 1765 nəfərə yüksəlmişdir. Bu isə 391 nəfər (29 %) artım deməkdir.  
Qeyd edək ki, Sumqayıt Dövlət Universitetində magistratura səviyyəsində qəbul olunanların sayı da ötən illə müqayisədə 21,5%  artıb. Əgər ötən tədris ilində qəbul olunan magistrantların sayı 251 nəfər idisə, bu il 305 nəfər olmuşdur.
Həm bakalavriat, həm də magistratura səviyyəsində qeydə alınmış bu artım Sumqayıt Dövlət Universitetinin akademik nüfuzunun möhkəmləndiyini və buradakı tədris mühitinin yaxşılaşdığıni göstərir.