Noyabrın 15-də 2014-cü ildə Sumqayıt Dövlət Universitetində iməclik keçirildi.
Yaşıllıqlara dövlət səviyyəsində qayğı Azərbaycan Respublikasının Prezidenti cənab İlham Əliyevin sosialyönümlü siyasətinin əsas sahələrindən biridir. Yeni-yeni yaşıllıqların salınmasını ekologiyanın qorunmasında ən mühüm amil sayan ölkə başçısının “Bakı şəhərinin yaşıllaşdırılması sahəsində əlavə tədbirlər” haqqında Sərəncamında da paytaxtın yaşıllaşdırılması və ətraf landşaftın estetik zövqlə tərtib edilməsi istiqamətində bir sıra tədbirlər nəzərdə tutulub.
Eyni zamanda, bu ilin noyabr ayından başlayaraq ölkəmizdə Heydər Əliyev Fondunun vitse-prezidenti, Ətraf Mühitin Mühafizəsi üzrə Beynəlxalq Dialoq Təşəbbüsünün təsisçisi Leyla Əliyevanın layihəsi əsasında ağacəkmə kampaniyasına start verilib. Respublikamızın hər bir güşəsində çoxlu ağaclar, gül kollarının əkilməsinə başlanılıb. Yaşıllıq həyatdır, orqanizmimizin sağlamlığı, uzun ömür deməkdir.
Sumqayıt Dövlət Universitetinin rektoru Elxan Hüseynovun təşəbbüsü ilə universitetin bütün kollektivi, professor-müəllim heyəti ali təhsil ocağının ətrafında səliqə-səhmanla çoxlu ağaclar əkərək, ozon qatı döşəyərək, gübrələr verərək yaşıllaşdırmaya xüsusi gözəllik bəxş etdilər.
Universitetimizdə  “Yaşıllıq həm gözəllik, həm də sağlamlıqdır, ekologiyanın qorunmasında ən mühüm amildir” devizi altında keçirilən iməclik bayram əhval ruhiyyəsi ilə başa çatdı.

Mətbuat xidməti