Dekabrın 2-də universitet–sənaye əməkdaşlığının gücləndirilməsi istiqamətində Sumqayıt Dövlət Universitetinin (SDU) tələbələri Karyera və Məzunlarla İş Mərkəzinin təşkilatçılığı ilə “Qartal” tikinti şirkətində olublar. Görüş zamanı “Qartal” şirkətinin rəhbəri və təsisçisi Şahin Məmmədov Mühəndislik fakültəsinin tələbələrinə təqaüd təqdim edib. Təqaüd proqramına seçilmiş tələbələr imtahan və müsahibə mərhələləri əsasında müəyyən edilib ki, bu da bilik və bacarıqların obyektiv qiymətləndirilməsinə şərait yaradıb. Bununla yanaşı, şirkət tələbələrin müəssisədə istehsalat təcrübəsi keçməsini təmin edib. Tələbələr “Qartal” şirkətinin fəaliyyət istiqamətləri, layihə idarəetməsi, tikinti sektorundakı innovativ yanaşmalar və kadr inkişafı strategiyaları barədə məlumatlandırılıblar. Görüşün sonunda tələbələr göstərilən diqqətə və yaradılan şəraitə görə təşəkkürlərini bildiriblər.