Əsas səhifə | Xəbərlər | Spartakiadaya yekun vuruldu
Spartakiadaya yekun vuruldu

Fevral ayının 20-də Sumqayıt Dövlət Universitetinin Həmkarlar İttifaqı Komitəsinin və Bədən tərbiyəsi və idman kafedrasının təşkilatçılığı ilə universitetin əməkdaşları arasında fakültələrarası üç idman növü üzrə keçirilən yarışların qalibləri mükafatlandırıldı.
Universitetin rektoru Elxan Hüseynov tədbiri açaraq iştirakçıları salamladı və onları təbrik etdi.  Bildirdi ki, son illər ölkəmizdə idmanın inkişafına göstərilən diqqət və qayğı geniş vüsət almışdır. Məhz bu uğurlu siyasətin nəticəsidir ki, 20 ildən artıq bir zamanda müstəqilliyini qazanan gənc bir dövlətin idman sahəsində də əldə etdiyi nailiyyətlər yüksək səviyyədədir. Artıq elə bir mötəbər yarış yoxdur ki, idmançılarımız orada ölkəmizi layiqli şəkildə təmsil etməsinlər,  medal və mükafatlar gətirməsinlər. Təbii ki, bütün bunlar Azərbaycanda idmana dövlətin göstərdiyi hərtərəfli qayğı sayəsində mümkün olmuşdur. Bütün bunların əsası ümummilli lider Heydər Əliyev tərəfindən qoyulan və Prezident İlham Əliyev tərəfindən davam etdirilən uğurlu siyasətin nəticəsidir. Məhz elə buna görə də 2015-ci ildə Avropa Olimpiya Oyunları kimi mötəbər bir yarışa ev sahibliyi etmək kimi məsuliyyətli iş Bakıya həvalə edilmişdir. İlham Əliyevin 31 iyul 1997-ci il tarixində Milli Olimpiya Komitəsinin prezidenti seçilməsindən sonra başlanmış, düşünülmüş və uzaqgörən siyasətin nəticəsi olaraq ölkəmizdə idmana diqqət daha da yüksəlmişdir. Sonrakı illər ərzində Azərbaycanda idman sahəsində ciddi nailiyyətlər əldə edilmiş, bu sahənin inkişafına diqqət daha da artırılmışdır. Ölkəmiz nəinki öz iqtisadi inkişafı, o cümlədən, strateji və mədəni perspektivləri ilə dünyada xüsusi yer tutmuşdur. Beləliklə,  Azərbaycan həm idman üzrə uğurları ilə, həm də dünya və Avropa səviyyəli çempionat və tədbirləri, o cümlədən ölkəmizdə nüfuzlu beynəlxalq yarışları təşkil etməklə dünyanın idman mərkəzlərindən birinə çevrilmişdir.
Onu da qeyd edək ki, son bir il ərzində Sumqayıt Dövlət Universitetində elm və təhsil sahəsində aparılan islahatlar ilə yanaşı, idman sahəsində də böyük uğurlara imza atılmışdır. Belə ki, fevral ayının 5-12 tarixlərində universitetimizin əməkdaşları arasında üç idman növü üzrə (dama, şahmat, nərd)  yarışları keçirilib. Həmin yarışlarda fakültələr komanda şəklində gərgin və maraqlı mübarizə aparmış, nəticədə isə dama üzrə Riyaziyyat fakültəsi, şahmat üzrə İqtisadiyyat və idarəetmə fakültəsi, nərd üzrə isə Filologiya fakültəsi I yeri tutmuşlar.
Rektor qalib komadaları təbrik etdi, onları qiymətli hədiyyələr və pul mükafatı ilə təltif etdi.

Mətbuat xidməti

ÜNVAN
ƏLAQƏ VASİTƏLƏRİ
SUMQAYIT DÖVLƏT UNİVERSİTETİ
Sumqayıt, Azərbaycan
43cü məhəllə
AZ5008
Telefon: +994-18 642-16-20
Faks: +994-18 642-02-70
E-Mail: info@sdu.edu.az